Bolo di glas

Bo mester:

  • Diferente baki pa traha jello aden (abo ta dicidi ki colornan abo kier)
  • Kopi di midi
  • Wisk
  • Blender (ta optional)

Ingredientenan:

  • 4 caha di jello
  • 2 paki di knox (cada caha di jello ta pone 1 envelop di knox y pa e crema blanco tambe)
  • Awa cayente (pa cada paki di jello 2 copi di awa cayente)
  • Awa friu (pa cada paki di jello 2 copi di awa friu)
  • 2 bleki di lechi condense
  • 2 bleki di Nestle Cream

Stapnan:

Jello

Prome nos ta traha e jello pa asina e por mara bon prome cu nos hinc’e den e crema blanco.

  1. Prome cos ta herbe awa cayente pa asina bo por traha e jello y zorg cu bo tin awa friu pa por hinca den e mescla di jello.
  2. Scohe cualkier color di jello cu abo kier hinca den e bolo di glas (ami a uza berde, geel y cora). Bo tin mester di 1 envelop di knox pa e jello por mara mihor.
  3. Bo ta agrega e paki di jello den un baki hunto cu 1 envelop di knox anto cu un wisk bo ta mescla e 2 copi di awa cayente pa por desolve e clompinan di e puiro. Ora bo caba bo ta agrega 2 kopi di awa frieu aden y sigui wisk esaki den e mescla di jello.
  4. Unabes cu bo a caba y bo wak cu e mescla di jello ta bon desolve, bo ta bay pone esaki den frishider y te mañan bo por haci uzo di dje (esaki ta depende ki ora bo a trahe pero mihor safe cu sorry).

Crema blanco

  1. E siguiente dia bo ta bay corta e jello den bloki chikito y cuminsa cu e crema blanco. Pa e crema blanco bo mester di un paki di knox (4 envelope) y 2 copi di awa cayente. Esaki bo ta bay mescle bon bon den un weya te ora e puiro di knox desolve.
  2. Pa ora bo bay agrega e awa friu, bo ta bay ripara cu e knox ta bira clompi.. Esey ta normal e ora ey bo ta pone e weya riba stof y keda mescl’e te ora e bira bon dissolve..
  3. Unabes cu bo haci esaki bo ta bay agrega e 2 bleki di Nestle Cream y 2 bleki di lechi condens.
  4. Ora bo caba cu esaki bo mester zorg cu e mescla aki ta bon friu prome cu bo bash’e den e jello.
  5. Dividi e jello den e baki cu bo t’ey bash’e pa asina e crema blanco por fit bon. E ora ey bo ta hinca e bakinan den frishider pa e por mara y listo pa saboria!